![Lastar Hendingar](https://osafestivalen.no/wp-content/plugins/the-events-calendar/src/resources/images/tribe-loading.gif)
Triakel
27. oktober kl 17:30
![](https://osafestivalen.no/wp-content/uploads/2024/05/Triakel-web.jpg.webp)
Mange har røynt at det ikkje alltid kjem noko godt ut av nyttårsløfte, men svenske Triakel er eit lukkeleg unnatak. Ein avtale om å spela saman innan eit år vart innfridd, og seinare vart duoen Kjell-Erik Eriksson (fele) og Janne Strömstedt (trøorgel) utvida med Emma Härdelin (fele og vokal). Triakel framfører viser, i det utvida omgrepet av ordet. Alt frå gamle revyviser til endå eldre salmar, og mykje av materialet er heimehøyrande i Jämtland eller Hälsingland, heimtraktene til dei tre musikarane. Konserten tek utgangspunkt i albumet Händelser i Nord. Akustisk, intimt, lyrisk og enkelt, bygd opp rundt Emma si varme og vare røyst – fullt av kjensler og uttrykk. Det er Triakel, det!
Emma Härdelin – fele og vokal
Kjell-Erik Eriksson – fele
Janne Strömstedt – trøorgel
Billettar: Festivalpass, dagspass sundag eller enkeltbillett i sal på TicketCo