Osascena

Vi opnar dørene til sesong 23 og gler oss til å sjå deg på Osascena i vår! Sesongkortet gir deg inngang til tre knallsterke dobbeltkonsertar som spenner frå den lokale slåttetradisjonen til samisk joik, amerikansk roots-musikk, færøyske middelalderbalader og to av dei dyktigaste og mest etablerte folkemusikarane i Sverige, Hazelius/Hedin. Dei rundar av konsertrekka i april. Det er med andre ord all grunn til å sikre seg eit sesongkort på Osascena i vår! Saman med Ole Bull Akademiet ønskjer vi også velkomen til ein ny open dag på akademiet der vi fyller heile huset med konsertar og aktivitetar for heile familien. Ta med alle du kjenner og kom! Foto: Nils Kvamsdal

 

EKSTRA-KONSERTAR VÅREN 2020

Laurdag 6. juni kl.19.00, Osasalen på Ole Bull Akademiet:
Haakon Asheim & Nils Henrik Asheim - «Crossing Grieg»

Det er eit svært begava brødrepar som gjenopnar konsertverksemda til Osascena: felespelar og Ole Bull Akademiet-ansatt Håkon Asheim (som gjesta Osascena med ein fantastisk solokonsert i 2019), og broren Nils Henrik Asheim, som er kjend som ein framifrå komponist, pianist og organist. Delar av konserten byggjer på prosjektet «Crossing Grieg», som dei framførte for fyrste gong under Stavanger Kammermusikkfestival i 2008. Med hardingfele og piano bearbeidar brødrene Edvard Grieg sine folkemusikalske eksperimenter. Ein respektfull de-komponering og poetisk re-montasje av ein stor musikalsk arv. Hardingfela støtter varsomt opp om klangbildet til Grieg, og pianoet lar seg lede inn i nye taktar av hardingfela sitt rytmiske driv.

Dette vert ein storslått og intim konsertoppleving – den perfekte oppstarten etter eit langt opphald i konsertverksemda. Me gler oss!

Smittevern og kjøp av billettar
Konserten skjer i tråd med retningslinjer frå Folkehelseinstituttet for å hindre smitte av viruset. Max antal publikummarar 50 med minimum ein meters avtand mellom folk som ikkje er del av same husstand. Me sel kun 50 billettar til denne konserten, så det er ekstra viktig å vera tidleg ute med å kjøpa billett. På grunn av smittevern vert det ikkje billettsal i døra, kun førehandssal på Ticketco.

Til dei som har kjøpt sesongkort for våren 2020: Det er fullt mogleg å bruke sesongkort for våren 2020 eller fribillettar de har fått pga. tidlegare avlyse konsertar. Men då MÅ de kontakte oss på tlf 47 25 96 70 eller e-post post@osafestivalen.no slik at de får ein promokode og kan laste ned ein fribillett til denne konserten. Dette på grunn av maxgrense på antal publikummarar i salen. Førstemann til mølla-prinsippet gjeld.

VIKTIG MELDING TIL ALLE SOM HAR KJØPT BILLETT TIL ORDINÆR VÅRSESONG:

På grunn av koronasituasjonen i Noreg nett no og råd frå Folkehelseinstituttet vert ein av konsertane på Osascena i vår avlyst og ein utsett på ubestemt tid. Vi er svæt lei oss for dette og ønskjer å takke alle som har kjøpt billett og vist interesse for programmet vårt.

Dei som har kjøpt billettar til konserten 18. mars vil få pengane att eller få høve til å  laste ned ein verdikupong som kan brukast på ein seinare konsert ved Osascena. Informasjon kjem på e-post, men det vil ta noko tid før Ticketco får høve til å gå igjennom billettsalet vårt. Det same gjeld alle som har kjøpt sesongkort for våren 2020: dei vil få tilbod om å få eit nytt sesongkort hausten 2020 eller få refundert to av tre konsertar for våren 2020. Seonsongkorthaldarar vil få melding etterkvart på e-post.

Vi ser fram mot betre tider, og vonar situasjonen er slik at vi kan slippe eit nytt sterkt haustprogram i august. Følg meg oss her på websida vår, på facebooksida til Osafestivalen eller i Avisa Hordaland. Vi gler oss til å sjå deg!

PROGRAM VÅREN 2020

Torsdag 6. februar 20.00 Tre Brør Bar
Margunn Blikberg Nordgård (solo hardingfele)
Kajsa Balto trio

AVLYST: Onsdag 18. mars 20.00, Tre Brør Bar
Fyrispel: Per Berge
Maria Jordalen (solo toradar)
Molsky’s Mountain Drifters

UTSETT: Tysdag 21. april 20.00, Tre Brør Bar
Sniálvur Joanesarson (solo song)
Hazelius/Hedin

UTSETT: Laurdag 28. mars kl.12.00, Osasalen

Familieførestillinga "SNORK" av og med Ådne Geicke Kolbjørnshus og Vetle Springgard.
Del av open dag på Ole Bull Akademiet 12-15
Arrangør: Eit samarbeid mellom Ole Bull Akademiet, Osafestivalen/Osascena og hardingfela.no, konserten er støtta av Vekselbanken på Voss og Norsk Senter for Folkemusikk og folkedans

Les meir om artistane under arrangementssidene på facobooksidene til Osafestivalen.

Billettar
Førehandssal på www.ticketco.no el. ved inngangen (kort eller kontant)
Entrépris dobbeltkonsertane:  kr. 200,- / 100,- (stud)
Få plassar, så sikre deg billett tidleg!

Sesongkort
Kan kjøpast på www.ticketco.no eller ved inngangen. Gjeld alle dobbeltkonsertane. Oppmøte når dørene opnar kl.19.30 for å vere sikra plass. Pris. Kr. 500,- pr. sesongkort.

Billettar til familieførestillinga
kr. 100,- Familie: kr. 300,- (to vaksne og born i familien) Born under 2 år gratis.
I sal på Ticketco eller i døra (kort eller kontant)

Styringsgruppa for Osascena
Arne Anderdal
Ida Dyrkorn Heierland
Lars Gjelland
Kari Finne Sognnæs

Programforslag?
Kontakt oss på post@osafestivalen.no

Osascena er eit samarbeid mellom Osafestivalen og Voss Spelemannslag og er støtta av Norsk Kulturråd.

Tusen takk til:
Norsk Kulturråd for økonomisk støtte til konsertrekka.
Og til Voss Sparebank, Vekselbanken på Voss og Voss Energi for marknadsføringsstøtte.