Sara Parkman

Svenske Sara Parkman har teke den svenske folkemusikkscena med storm og rett og slett fått kultstatus innan moderne svensk folk. Songaren, felespelaren og låtskrivaren utforskar kva det vil seia å vera menneske – med kropp og sjel. Som tredjegenerasjons prestedotter, har Sara den religiøse folkemusikken i botn for alt ho gjer. Ho slo gjennom med albumet Vesper, og i -22 gav ho ut sitt tredje album, Eros Agape Philia, eit album som har sikra Sara nominasjonar til årets komponist og årets folkemusikar i Grammis, svenskane sin versjon av Spellemannsprisen. Blandinga av folkemusikk, synthar, trommemaskiner og uvanlege kostyme, gjev deg ei oppleving «mellom gard og nattklubb».

Sara Parkman: femstrenget fiolin, vokal
Hampus Norén: trøorgel, gitar, vokal
Hanna Andersson: fiolin, bratsj, vokal
Ima Baeza Bilgin: tangenter, vokal
Sammy Hsia: trommer

Billettar: Festivalpass eller huskort Voss idrettshall fredag.