HUUN-HUUR-TU

Strupesongvirtuosar frå steppene i Sentral-Asia

Kvartetten frå republikken Tuva, på grensa til Mongolia, tek oss med inn i dei mest eggande rytmiske songar med atterklang av hestehovar på steppene, og til meditative melodiar som reflekterer djup fred i eit storslått landskap.

Namnet på gruppa tyder solstråle og viser til lyseffekten av soloppgang på steppene, og korleis lyset blir spreidd i graset i morgendisen. Republikken Tuva ligg i det geografiske midtpunktet i Asia, eit landskap med endelause stepper. Der har folket ein fleire hundre år gamal tradisjon for strupesong, ein tradisjon Huun-Huur-Tu nyttar til fulle saman med tradisjonelle folkemusikkintrument frå regionen.

“Singer Khovalyg is the Pavarotti of throat singing” – Newsweek

Gruppa blei skipa i 1992 og har, etter debutskiva “The Orphan’s Lament” i 1994, blitt eit internasjonalt leiande band innan verdsmusikken. Det hardtarbeidande ensemblet spelar rundt 200 konsertar i året, og har opparbeidd seg eit svært solid gjetord som liveband. Kvartetten blir rekna, ikkje utan grunn, av mange som dei fremste utøvarane av strupesong i verda.

“A musical miracle!» – New York Times

Kaigal-Ool Khovalyg – vokal, igil
Sayan Bapa – vokal, gitar, toschpulur, igil
Radik Tyulyush – vokal, byzaanchy, munnharpe
Alexei Saryglar – vokal, tuyug (hestehover), tungur (shamantromme), igil