![Lastar Hendingar](https://osafestivalen.no/wp-content/plugins/the-events-calendar/src/resources/images/tribe-loading.gif)
- Denne hending er over.
Helga Myhr: tingingsverket «Andsyning»
24. oktober 2020 kl 17:00
![](https://osafestivalen.no/wp-content/uploads/2020/05/helgamyhr_foto_johannesselvaag-scaled.jpg)
Slåttemusikken inneheld uendelege mogelegheiter. Når tradisjonar møter samtid oppstår det dynamiske spenningar som gjev grobunn for spanande musikk. Verket «Andsyning» går rett inn i dette spenningsfeltet med eit meditativt og utfordrande perspektiv på slåtteformer frå Hallingdal, og med utvalde dikt skrive av Margit Lappegard (1918-2011) frå Leveld i Ål. Eit stjernelag av fem profilerte og spanande musikarar, leidd av komponist Helga Myhr (Morgonrode, Kvedarkvintetten), skal framføre det nyskrive verket Andsyning på årets Osafestival.
Ordet kan bety å sjå noko frå motsatt horisont – akkurat det desse musikarane skal gjere i møte med komposisjonane til Myhr.
Helga Myhr – hardingfele, vokal
Michaela Antalovà – perkusjon, seljefløyte
Malin Alander – vokal
Adrian Myhr – kontrabass
Rasmus Kjorstad – fele, oktavfele, langeleik
Foto: Johannes Selvaag
Tingingsverket er støtta av Norsk Kulturråd og Furestiftelsen