Annbjørg Lien & Catriona Macdonald med vener

Annbjørg og Catriona har vore vener og musikalske sjelesystrer heilt sidan barndomen. Dei møttest då shetlandske Catriona kom til Ålesund saman med The Young Heritage og Tom Anderson. Det vart starten på ein venskap og eit nært samarbeid, både på og utanfor scena. Eit samarbeid som i 1998 resulterte i String Sisters, som samla dei leiande kvinnelege felespelarane i verda. Konserten i Voss idrettshall fredag kveld syner oss dei nære kulturelle og musikalske banda mellom Shetland og Noreg, både gjennom tradisjonsmusikk og nyskrive materiale.