Kanaan / Ævestaden
Få plassar. Festivapass, dagspass laurdag, huskort Voss idrettshall laurdag eller enkeltbillett. Eit avgrensa tal plassbillettar ligg ute for sal for deg med pass eller huskort.
To mektige, unge band slår sine musikalske og kreative krefter saman, med eit heilt unikt, nyskapande resultat som har vekt merksemd langt utover Noreg. Den psykedeliske power-trioen Kanaan og folkemusikk-innovatørane i Ævestaden kjem med slåttar, folketoner og lovsong blanda med storslåtte nykomponert verk. Feler, kuhorn, kraviklyre, munnharpe, synther, fleirstemt kor, tunge gitarar og ein tordnande rytmeseksjon. Imponerande allsidig, kompromisslaust, dvelande og progressivt.
Ævestaden
Kenneth Lien – kraviklyre, munnharpe, vokal
Levina Storåkern – kuhorn, fele, kantele, vokal, elektronikk
Eir Vatn Strøm – vokal, kraviklyre, elektronikk
Kanaan
Eskild Myrvoll – bass
Ask Vatn Strøm – gitar
Ingvald André Vas – trommer
Foto: Gonçalo Carvalho