Dans med Kvarts

Kvarts er ei av dei folkemusikkgruppene i Noreg med lengst fartstid. Sidan oppstarten i 1998 har kvartetten sett djupe spor etter seg både i norsk musikkliv, på folkemusikkscena og internasjonalt. Dei har gjeve ut heile ni album, vunne Spellemannprisen to gongar, skrive seks tingingsverk og spelt tallause konsertar. Dei har samarbeidd med Kringkastingsorkesteret og artistar som Jonas Fjeld, Berit Opheim og Sondre Bratland. Repertoaret deira inneheld tradisjonsmusikk og eigenkomponert materiale, med hovudvekt på norsk og svensk folkemusikk. Tjue år med samspel har gjort gruppa til ei av dei mest samspelte og dynamiske folkemusikkgruppene som finst. Me gler oss stort til dansespel laurdagskvelden i Voss idrettshall

Jo Asgeir Lie – trekkspel
Øystein Rudi – fele, hardingfele
Tom Willy Rustad – kontrabass, gitar, torader, seljefløyte, munnharpe
Erlend Styve – gitarar

Merk: Kvarts og «Spelemannslaget til fremjing av møsagrodde låttar» deler dansekvelden mellom seg frå 23.30 og utover