Eidsvollingen Stian Carstensen har vore ein sentral utøvar innanfor jazz og folkemusikk gjennom 30 år som både utøvar, komponist og formidlar. Han er kan hende mest kjend frå bandet Farmers Market og trakterer mellom anna trekkspel, gitar, banjo, sekkepipe, bulgarsk fløyte, pedal steel gitar, fiolin og leirgauk. Av kuriøse faktaopplysningar kan vi nemne at han har vore på hitlistene i Azerbaijan, blitt drapstrua på scenen i Kazakstan og har mottekke dødsstruslar i brevsform etter å ha skrive tekst og musikk til ny nasjonalsang for Noreg på oppdrag frå NRK. Carstensen er med andre ord svært godt rusta til å opna årets Osafestival!