Lunsjkonsert i samarbeid med Voss Sparebank

Sarah-Jane Summers er ein av Skottlands fremste felespelarar og er ein tradisjonsberar av felestilen frå det skotske høglandet. Summers har master i norsk folkemusikk og improvisasjon frå NMH, bur i Noreg og er svært aktiv på den norske og internasjonale folkemusikkscena. I år kjem ho til Voss for å leia det årlege seminaret i førekant av festivalen. Seminaret er mynta på folkemusikkstudentar og musikarar, og i ein praktisk del vil deltakarane arbeida med tradisjonell musikk frå Skottland i samspel, og presentera delar av dette på ein avsluttande konsert som del av Osafestivalen.

Konserten er eit samarbeid med Voss Sparebank – hugs å hente gratisbillett i banken