Lastar Hendingar

« Alle Hendingar

Tingingsverket 2022: Systerspel – om spelet som var og spelet som vart borte

29. oktober kl 14:30

Tingingsverket 2022, Systerspel. Om spelet som var og spelet som vart borte, er ei konsertførestilling basert på boka med same tittel skrive av Benedicte Maurseth for Fagbokforlaget, og skal lanserast under årets festival.

Boka og den sceniske versjonen av Systerspel gjev ei historisk, personleg og nærgåande innsikt i korleis lagnaden til spelekvinna har vore i Noreg frå 1700 og til i dag. Spelkvinner som var både blinde og beinlause, som spela i bryllaup, til dans og på scena, som vart fengsla eller hamna på legd, vart uthengde, heidra, ovundra og hindra i å spela.

Førestillinga tek også opp kvifor ho forsvann og vart borte, for så å koma attende i tradisjonen, og omhandlar alt får bondekvinnespelaren sin viktige posisjon til vekkingskristendomen, hamskiftet i det spelande liv, og vidare om husmorisering, kjønnsfordommar, språkbruk, #metoo, og om å finna sitt
eige spel, i ein alt lagt diskurs av spelemenn gjennom hundre år.

Medverkande scenisk:
Benedicte Maurseth – hardingfele, tekst, lesing, og komposisjon
Birk Nygaard – scenografi og lys

Produksjon
Hildegun Riise – regi
Kieran Kolle – film
Jørgen Træen  – lyddesign
Rune Døli – grafisk design

Tingingverket er ein samproduksjon med Riksscenen og er støtta økonomisk av: Norsk kulturråd, Vestland Fylkeskommune, Bergen kommune og Fritt ord

Foto: Elen Feragen (1901–1990) også kalla Bakka-Elen. Fotokjelde Folkemusikkarkivet i Rørosdistrikte

Detaljar:

Dato
29. oktober
Tid:
14:30

Lokale

Nain
Gymnasvegen 4
Voss, Norway
+ Google-kart