Helga Myhr solo

Ho gjekk heilt til topps i hardingfele A på landskappleiken i år! Helga Myhr – hardingfelespelar, songar og komponist. I 2019 slapp ho soloplata Natten veller seg ut på Motvind Records som vart nominert til spellemannprisen. Året etter komponerte ho sitt fyrste verk Andsyning som tingingsverk til Osafestivalen, som vidare vart slept på plate i 2022 (Heilo/Grappa) og nominert til Folkelarmprisen.

Helga er fast medlem i bandet Morgonrode og Kvedarkvintetten, samt i duo med cellist og komponist Tanja Orning, som slapp plata Klangkorpus på Motvind Records hausten 2024. I tillegg spelar ho med i ei rekkje prosjekt, ensemble og band, no sist prosjektet Lydreise av Sigurd Hole i lag med Hole og Frode Haltli, samt verket Song over støv av Erlend Apneseth i lag med eit stort ensemble leia av Apneseth.

Helga Myhr er attende på Osafestivalen og i Voss idrettshall. Denne gongen med 15 magiske hardigfeleminutt. Gled dykk!

Helga Myhr – hardingfele, vokal

Foto: Signe Fuglesteg Luksengard