Osascena

Torsdag 29. januar, Osasalen på Ole Bull Akademiet 19.00: Steinar Rygg: «Slåttearven etter Leif Rygg» + Plateslepp med folkemusikkgruppa Ludo
Sal i baren og mingling frå kl 18.00

Steinar Rygg vil i dette konsertforedraget fortelje om faren Leif som lidenskapleg felespelar og miljøbyggjar. På konserten kan du blant anna få høyra kjente tonestykke som Bygdatråen, Lengt og Budeiene på Vikafjell – slåttar som var svært sentrale i Leif Rygg sitt repertoar.

Ludo framfører slåttar frå Voss, Hardanger og Sunnhordaland. Melodiane vert arrangert i eit jazzharmonisk landskap der er ein tek vare på slåttene sin eigenart samtidig som ein tilfører nye musikalske element. Improvisasjon og energi er sentralt i Ludo sitt uttrykk. Gruppa har eksistert sidan 2006., og no er dei aktuelle med ny EP!

Steinar Ryg - hardingfele og fiolin
Frode Hammerslan - el-bass
Åsmund Espeland - akustisk gitar

Onsdag 18. mars,dansestova/spellemannstova på Ole Bull Akademiet 19.00:
GROUPA – Kind of Folk Poland
Sal i baren og mingling frå kl 18.00

Med røter i nordisk folkemusikk speler Groupa musikk som utstrålar både ein nær kontakt med tradisjonen og ei sterk vilje til å bevege seg fremover. I Groupa sitt prosjekt "Kind of Folk" møter tradisjonell musikk av ulikt opphav gruppa si innovative tilnærming. So langt har Groupa gjeve ut fem album i Kind of Folk-serien, musikk med røter i Sverige, Noreg, Island og Den iberiske halvøy.

I den femte delen av Kind of Folk-prosjektet samarbeider Groupa med den fremragande songeren og fiolinisten Marta Matuszna frå Lalik i Polen. Marta Matuszna har lenge vore ein drivkraft i bevaring og utvikling av dei rike musikalske tradisjonane i Beskid Żywiec-regionen. Med fleire års erfaring frå Golec Brothers Foundation har ho undervist i både fiolin og tradisjonell song, djypt inspirert av folkemusikken i regionen.

Mats Edén: bratsj, hardingfele, viola d'amore, nøkkelharpe og melodeon
Jonas Simonson: fløyter, og bassklarinett
Terje Isungset: trommer, perkusjon og munnharpe
Marta Matuszna: fele og vokal

Onsdag 6. mai, dansestova/spellemannstova på Ole Bull Akademiet 19.00:
BRUCE MOLSKY & ALE MÖLLER
Sal i baren og mingling frå kl 18.00

Legendariske Ale Möller og Bruce Molsky kjem til Voss og Osascena! Dei to har spelt saman i ulike konstellasjonar i ei årrekke. No er dei aktuelle med plata "Bruce´s Halling".